மருத்துவ சிகிச்சைகளுக்காக சிங்கப்பூர் செல்லும் ரணில் விக்ரமசிங்க

முன்னாள் ஜனாதிபதி ரணில் விக்ரமசிங்க இன்று இரவு மருத்துவ சிகிச்சைகளுக்காக சிங்கப்பூர் செல்லவுள்ளதாக அவரது ஊடகப் பிரிவு தெரிவித்துள்ளது.

இன்று (06) நள்ளிரவு 1.45 க்கு சிங்கப்பூர் நோக்கிப் புறப்படும் விமானத்தில் அவர் நாட்டிலிருந்து புறப்படவுள்ளதாக தெரிவிக்கப்பட்டுள்ளது.

இந்தப் பயணம் மருத்துவ சிகிச்சையைப் பெற்றுக்கொள்வதற்கான தனிப்பட்ட பயணம் என அவரது ஊடகப் பிரிவு குறிப்பிட்டுள்ளது.