சபரகமுவ பல்கலைக்கழகத்தில் பகிடிவதை மற்றும் துன்புறுத்தல் சம்பவங்களுடன் தொடர்புடையதாக முன்வைக்கப்பட்ட குற்றச்சாட்டை அடுத்து, 11 மாணவர்களை பல்கலைக்கழகத்திலிருந்து நிரந்தரமாக நீக்க நிர்வாக சபை தீர்மானித்துள்ளது.
தொழில்நுட்ப பீடத்தில் இரண்டாம் ஆண்டில் கல்வி பயின்ற 23 வயதான சரித் திலீஷான் என்ற மாணவர் 2023ஆம் ஆண்டு உயிரிழந்த சம்பவம் தொடர்பான விசாரணைகளின் பின்னணியிலேயே இந்த நடவடிக்கை மேற்கொள்ளப்பட்டுள்ளது.
குறித்த மாணவர்கள் துன்புறுத்தல், உடல் மற்றும் உள ரீதியான அச்சுறுத்தல்கள் உள்ளிட்ட கடுமையான ஒழுக்காற்று விதிமீறல்களில் ஈடுபட்டதாக விசாரணை அறிக்கையில் குறிப்பிடப்பட்டுள்ளது.
இதன்படி, அவர்களின் பல்கலைக்கழகப் பதிவு நிரந்தரமாக இரத்து செய்யப்பட்டுள்ளதுடன், பல்கலைக்கழக வளாகம் மற்றும் விடுதிகளுக்குள் அனுமதியின்றி நுழையவும் தடை விதிக்கப்பட்டுள்ளது.
இச்சம்பவம் தொடர்பில் முன்னதாக 14 மாணவர்கள் கைது செய்யப்பட்டு, அவர்களுக்கு எதிராக சட்ட நடவடிக்கைகளும் முன்னெடுக்கப்பட்டிருந்தமை குறிப்பிடத்தக்கது.
