ஐக்கிய நாடுகளின் அமைதிப்பணியில் ஈடுபடுவதற்காக 185 இலங்கை பொலிஸ் அதிகாரிகள் ஹைட்டிக்கு அனுப்பப்படவுள்ளனர்.
இந்த குழு மூன்று கட்டங்களாக ஹைட்டிக்கு செல்லவுள்ளது. முதலாவது மற்றும் இரண்டாவது குழுக்கள் இந்த மாதத்திலும், மூன்றாவது குழு நவம்பர் மாதத்திலும் புறப்படவுள்ளதாக பொலிஸ் ஊடகப் பிரிவு தெரிவித்துள்ளது.
மொத்த குழுவில் 174 பொலிஸ் விசேட அதிரடிப்படை அதிகாரிகளும், 11 ஏனைய பொலிஸ் அதிகாரிகளும் அடங்குகின்றனர். இதில் பொலிஸ் மருத்துவப் பிரிவைச் சேர்ந்த இரண்டு வைத்தியர்களும் உள்ளடங்குகின்றனர்.
பல்வேறு பதவிகளில் உள்ள அதிகாரிகளும், பெண் பொலிஸ் அதிகாரிகளும் இந்த அமைதிப்படை குழுவில் இடம்பெற்றுள்ளனர்.
