இணையவழி வர்த்தகம் மூலம் பெருமளவு பணம் சம்பாதிக்க முடியும் எனக் கூறி பண மோசடியில் ஈடுபட்டதாகச் சந்தேகிக்கப்படும் 26 வயதுடைய இளைஞர் ஒருவர் கைது செய்யப்பட்டுள்ளார்.
டெலிகிராம் சமூக வலைத்தளத்தின் ஊடாகத் தொடர்புகொண்ட நபர் ஒருவர், இணையவழி வர்த்தகம் மூலம் வருமானம் ஈட்ட முடியும் எனக் கூறி, 151,000 ரூபாவைச் சந்தேகநபரின் வங்கிக் கணக்கில் வைப்பிலிடச் செய்து மோசடி செய்ததாகக் கிடைத்த முறைப்பாட்டின் அடிப்படையில் விசாரணைகள் ஆரம்பிக்கப்பட்டன.
இணையவழி வர்த்தகம் மூலம் 13,507,220 ரூபா வரை சம்பாதிக்க முடியும் எனக் கூறி பணம் பெற்றுக்கொள்ளப்பட்டதாக முறைப்பாட்டில் தெரிவிக்கப்பட்டுள்ளது.
இதனையடுத்து, மோசடியில் தொடர்புபட்டமை மற்றும் அதற்கு உடந்தையாக இருந்தமை தொடர்பில் சந்தேகநபர் நேற்று (20) கைது செய்யப்பட்டுள்ளார்.
சூரியவெவ பகுதியைச் சேர்ந்த சந்தேகநபர் தொடர்பில் கணினி குற்றவியல் விசாரணைப் பிரிவின் வடமேல் மாகாண அலகு மேலதிக விசாரணைகளை முன்னெடுத்து வருகிறது.
