காலி, அஹங்கம பகுதியில் கத்தலுவ பாலத்திற்கு அருகில் பேருந்தும் டிப்பர் ரக வாகனமும் நேருக்கு நேர் மோதிய விபத்தில் ஐவர் காயமடைந்து மருத்துவமனையில் அனுமதிக்கப்பட்டுள்ளனர்.
காலியிலிருந்து கொழும்பு நோக்கிப் பயணித்த பேருந்தும், மாத்தறையிலிருந்து காலி நோக்கிப் பயணித்த டிப்பர் ரக வாகனமும் இவ்விபத்தில் சிக்கியுள்ளன.
மற்றொரு வாகனத்தை முந்திச் செல்ல முயன்றபோது, எதிரே வந்த பேருந்துடன் டிப்பர் ரக வாகனம் மோதியதாகப் பொலிஸார் தெரிவித்துள்ளனர்.
இந்த விபத்தில் டிப்பர் வாகனத்தின் சாரதி மற்றும் பேருந்தில் பயணித்த நால்வர் உட்பட ஐவர் காயமடைந்துள்ளனர்.
காயமடைந்தவர்கள் கராப்பிட்டிய போதனா மருத்துவமனையில் சிகிச்சைக்காக அனுமதிக்கப்பட்டுள்ளனர்.
