அவுஸ்திரேலியாவில் நடைபெறவுள்ள மகளிர் பிக் பாஷ் லீக் (WBBL) 2026 தொடருக்காக ஹோபார்ட் ஹரிகேன்ஸ் அணியில் இலங்கை மகளிர் கிரிக்கெட் அணியின் தலைவி சமரி அத்தபத்து ஒப்பந்தம் செய்யப்பட்டுள்ளார்.
காயம் காரணமாகத் தொடரிலிருந்து விலகியுள்ள இங்கிலாந்து வீராங்கனை டானி வியாட்-ஹாட்ஜிற்கு (Danni Wyatt-Hodge) மாற்றீடாகச் சாமரி அத்தபத்து அணியில் சேர்க்கப்பட்டுள்ளார்.
ஐசிசி டி20 பேட்டிங் தரவரிசையில் 6ஆவது இடத்தில் உள்ள 36 வயதான அத்தபத்து, இதுவரை WBBL தொடர்களில் 69 போட்டிகளில் விளையாடி 552 ஓட்டங்கள் வரை குவித்து சாதித்துள்ளார்.
WBBL 9ஆவது பருவகாலத்தில் சிட்னி தண்டர் அணிக்காக விளையாடிய அவர், 5 அரைசதங்கள் உட்பட 552 ஓட்டங்களைக் குவித்ததுடன் 9 விக்கெட்டுகளையும் வீழ்த்தி ‘தொடரின் நாயகி’ (Player of the Tournament) விருதை வென்றிருந்தார்.
சாமரி அத்தபத்து உலகின் மிகவும் ஆபத்தான அதிரடி பேட்டர்களில் ஒருவர் எனவும், அவரது தலை தலைமைத்துவம் மற்றும் அச்சமற்ற ஆட்ட நடைமுறை அணிக்குக் கூடுதல் பலம் சேர்க்கும் எனவும் ஹோபார்ட் ஹரிகேன்ஸ் உயர் செயல்திறன் தலைவர் சல்லியன் பீம்ஸ் (Salliann Beams) பாராட்டியுள்ளார்.
இதனிடையே, சமீபத்திய ஸ்பிரிங் சவாலில் சிறப்பான ஆட்டத்தை வெளிப்படுத்திய இளம் விக்கெட் காப்பாளர்-பேட்டர் கேட் பெல்லேவும் (Kate Pelle) ஹரிகேன்ஸ் அணியால் ஒப்பந்தம் செய்யப்பட்டுள்ளார்.
