இந்தியாவில் பேஸ்புக், இன்ஸ்டாகிராம், யூடியூப் மற்றும் எக்ஸ் உள்ளிட்ட சமூக ஊடக நிறுவனங்களுக்கு வழங்கப்பட்டுள்ள சட்டப் பாதுகாப்பை நீக்குவது தொடர்பாக மத்திய அரசு ஆலோசித்து வருவதாக தகவல் வெளியாகியுள்ளது.
இந்திய தகவல் தொழில்நுட்ப அமைச்சு, சமூக ஊடகங்களில் பயனர்கள் பதிவிடும் உள்ளடக்கங்களுக்காக அந்தத் தளங்களுக்கு வழங்கப்படும் சட்டப் பாதுகாப்பில் மாற்றங்களை ஏற்படுத்துவது குறித்து கலந்துரையாடல்களை ஆரம்பித்துள்ளதாக The Indian Express செய்தி வெளியிட்டுள்ளது.
தற்போதுள்ள சட்ட ஏற்பாடுகளின்படி, பயனர்கள் பதிவிடும் உள்ளடக்கங்களுக்காக சமூக ஊடக நிறுவனங்களுக்கு சில சட்டப் பாதுகாப்புகள் வழங்கப்படுகின்றன.
இந்தப் பாதுகாப்புகளை நீக்குவது தொடர்பான முன்மொழிவு நடைமுறைக்கு வந்தால், பயனர்கள் வெளியிடும் பதிவுகள் தொடர்பாக சமூக ஊடக நிறுவனங்கள் கூடுதல் சட்டப் பொறுப்புகளை எதிர்கொள்ள வேண்டிய நிலை ஏற்படலாம்.
இந்த மாற்றம் நடைமுறைப்படுத்தப்பட்டால், உலகின் முன்னணி சமூக ஊடக நிறுவனங்களின் செயல்பாடுகளிலும் தாக்கத்தை ஏற்படுத்தக்கூடும் எனக் கருதப்படுகிறது.
எனினும், இது தொடர்பான இறுதி முடிவு அல்லது புதிய சட்ட அறிவிப்பு எதுவும் இதுவரை வெளியாகவில்லை.
