பெருந்தோட்ட மற்றும் சமூக உட்கட்டமைப்பு வசதிகள் அமைச்சின் கீழ் இயங்கும் ஹட்டன் தொண்டமான் தொழிற்பயிற்சி நிலையத்தில் (TVTC), 8 பாடநெறிகளுக்காக 153 புதிய பயிற்சியாளர்களை இணைத்துக்கொள்ளும் நிகழ்வு இன்று (26) நடைபெற்றது.
பயிற்சியாளர்களுக்கு ஆறு மாத காலப் பயிற்சியுடன், உணவு மற்றும் தங்குமிட வசதிகளும் வழங்கப்படுவதுடன், இதற்கான முழு நிதியையும் அரசாங்கம் ஒதுக்கியுள்ளது.
தொண்டமான் தொழிற்பயிற்சி நிலையத்தின் புதிய கேட்போர் கூடத்தில் நடைபெற்ற இந்நிகழ்வில், பெருந்தோட்ட மற்றும் சமூக உட்கட்டமைப்பு வசதிகள் அமைச்சின் பிரதியமைச்சர் சுந்தரலிங்கம் பிரதீப் பிரதம அதிதியாக கலந்துகொண்டார்.
மேலும், நுவரெலியா மாவட்ட நாடாளுமன்ற உறுப்பினர் கிட்ணன் கலைச்செல்வியும் நிகழ்வில் பங்கேற்றார்.
