இந்தியாவில் வாக்காளர் பட்டியல்களில் மேற்கொள்ளப்பட்ட திருத்தங்கள் தொடர்பாக அரசியல் சர்ச்சை தீவிரமடைந்துள்ளது. வாக்காளர் பட்டியலிலிருந்து பெருமளவிலான பெயர்கள் நீக்கப்பட்டுள்ளதாகக் குற்றஞ்சாட்டும் எதிர்க்கட்சிகள், இந்த நடவடிக்கையை மறுபரிசீலனை செய்யக் கோரியுள்ளன.
ஒக்டோபர் 12ஆம் திகதி எதிர்க்கட்சியினரும் போராட்டக்காரர்களும் புதுடில்லியில் உச்ச நீதிமன்றத்தை நோக்கிப் பேரணியாகச் சென்று மனுவொன்றைத் தாக்கல் செய்தனர். வாக்காளர் பட்டியலில் இருந்து பெயர்கள் நீக்கப்பட்ட விதம் குறித்து தணிக்கை நடத்தவும், உரிய பாதுகாப்பு நடைமுறைகளை உறுதிப்படுத்தவும் அவர்கள் கோரியுள்ளனர்.
எனினும், வாக்காளர் பட்டியல் திருத்த நடவடிக்கையில் தவறுகள் இடம்பெற்றதாகக் கூறப்படும் குற்றச்சாட்டுகளை இந்தியத் தேர்தல் ஆணையம் மறுத்துள்ளதுடன், தவறுதலாக நீக்கப்பட்ட வாக்காளர்கள் மீண்டும் பதிவுசெய்ய முடியும் என்றும் தெரிவித்துள்ளது.
