உக்ரைன் மீது ரஷ்யா புதன்கிழமை நடத்திய பாரிய ஏவுகணை மற்றும் ட்ரோன் தாக்குதல்களில் குறைந்தது 25 பேர் உயிரிழந்துள்ளதாக தகவல்கள் வெளியாகியுள்ளன.
உக்ரைனின் வடக்குப் பகுதியில் உள்ள பிரிலுக்கி நகரில் இடம்பெற்ற ஏவுகணைத் தாக்குதலில் ஐந்து மாடிக் குடியிருப்பு கட்டிடம் கடுமையாக சேதமடைந்ததுடன், பலர் உயிரிழந்துள்ளனர். உயிரிழந்தவர்களில் குழந்தைகளும் உள்ளடங்குவதாக உக்ரைன் அதிகாரிகள் தெரிவித்துள்ளனர்.
கீவ் உள்ளிட்ட பல நகரங்களிலும் தாக்குதல்கள் இடம்பெற்றுள்ளதுடன், எரிசக்தி மற்றும் தொழில்துறை கட்டமைப்புகளும் சேதமடைந்துள்ளதாக தெரிவிக்கப்பட்டுள்ளது.
இந்த தாக்குதல்களுக்கு உக்ரைன் ஜனாதிபதி வொலோடிமிர் செலென்ஸ்கி கடும் கண்டனம் தெரிவித்துள்ளார்.
