அம்பாறை மற்றும் உகன பொலிஸ் பிரிவுகளில் இரண்டு பெண்களிடம் தங்கச் சங்கிலிகளைத் திருடிய சம்பவங்களுடன் தொடர்புடைய முக்கிய சந்தேக நபர் உட்பட நான்கு பேரை அம்பாறை பிராந்திய பொலிஸார் கைது செய்துள்ளனர்.
கடந்த ஜூலை மற்றும் ஓகஸ்ட் மாதங்களில் இடம்பெற்ற இத்திருட்டுச் சம்பவங்கள் தொடர்பான விசாரணைகளில், முக்கிய சந்தேக நபர் கொழும்பு – கடுவெல பகுதியில் பேருந்து சாரதியாகப் பணியாற்றி வந்தமை தெரியவந்துள்ளது.
கைது செய்யப்பட்டவர்களிடம் மேற்கொள்ளப்பட்ட விசாரணைகளின் அடிப்படையில், திருடப்பட்ட சங்கிலிகள் கல்முனையிலுள்ள தங்கக் கடையொன்றில் விற்பனை செய்யப்பட்டு உருக்கப்பட்ட நிலையில் மீட்கப்பட்டுள்ளன. கைப்பற்றப்பட்ட நகைகளின் பெறுமதி ஏழு இலட்சம் ரூபாவுக்கும் அதிகம் எனப் பொலிஸார் தெரிவித்துள்ளனர்.
கைது செய்யப்பட்ட நான்கு சந்தேக நபர்களையும் நீதிமன்றத்தில் ஆஜர்படுத்த நடவடிக்கை எடுக்கப்பட்டுள்ளது.
